أول رمضان | سنة كاملة تدوين

صادف جميله  إن أول يوم فى رمضان السنه دى هو عيد ميلاد حياتى التدوينية
بقالى سنه بالتمام و الكمال فى عالم التدوين
بدأت مدونتى القديمة فى 24 سبتمبر 2005
بدأت المدونة الحالية فى يناير 2006 و أغلقت القديمة نهائياً
تعرفت على عالم المدونات عن طريق مالك و تابعت  المدونات لمده شهر قبل أن أقرر بدأ مدونتى الخاصة
كنت كل ما أقرأ تدوينه لشخص أقول لنفسى ..أنا حروح فين فى وسط الناس دى
طيب حكتب ايه
الكلام ده كان فى عز فترة إنتخابات الرئاسة .. فكان الكلام بطبيعة الحال معظمه سياسى
و كنت أنا إلى حد ما جاهل سياسة و إن لم يكن جهلا تاما
المهم كتبت وخلاص
بدأت اكتب عن كل حاجة تقابلنى
أو موقف أعلق عليه
و أهو ماشى كده لغاية النهارده
و مبسوط جدا و حاسس إنى كان حيفوتنى كتير جدا لو مدخلتش التجربة دى

لمدونة القديمة فيها حولى 13 موضوع و مش اكتر من 10 تعليقات دا إن كملوا اساسا  :D
المدونة الحالية فيها 130 موضوع و 380 تعليق من يناير حتى الان
التدوينتين اللى جايين حعيد نشر أول موضوعين كتبتهم فى مدونة أملكها

September 24, 2006 + نشرت فى Personal, Blogosphere + تعليقات (5)


عمرك حسيت أن فى حاجة ناقصة

عايش بالطول و بالعرض .. و بالورب كمان
و برضوا فى حاجة ناقصة
لأأأأأأأأأأأأأأ
تقريبا عارف هى ايه
بس بكابر
و هى دى المصيبة

September 10, 2006 + نشرت فى Personal + تعليقات (5)


مشوار فاشل بكل المقاييس

النهاردة الصبح نزلت البنك عشان استلم كارت الإتمان اللى بقالوا 3 أسابيع بيتعمل
عايز كريدت ليه؟؟
عشان أتنيل و أحجز مساحة و دومين على النت
عشان أعمل الموقع اللى بقاله 4 أشهر مش ناقصله غير الرفع
لكن بما إن البنك الأهلى ربنا يخليهولنا مبيسمحش أن الواحد يستخدم الكارت الرئيسى على الإنترنت
فلازم نطلع كارت كمان للإستخدام على النت
فا من تلات أسابيع لما روحت أعمل الكارت قول للموظفأنى عايز الكارتين
و سمعنى كويس و قاللى حاضر
روحت النهاردة أستلم لقيتهوم بيقولولى فى كارت واحد و أكيد انت معملتش بتاع النت
يا جدعان دا انا عامل الجوز اساسا عشان النت
لا حياة لمن تنادى
لازم اعمل واحد للنت
و استنى 3 اسابيع كمان
مرارتى حتفرقع
====
طلعت من البنك فى شارع فؤاد و قولت أحود على النبى دانيال يمكن الاقى كتاب نظيف
اهو يبقى طلعت من المشوار بحاجة
ملقيتش
لقيت  واحد بيزعق و عمال يقول
أنا حعرفك انا مين
عشان تقوا عليه عبيط
أنا رئيس وحدة السادات مباحث الكهرباء
حجيبك و أمدك وسط الشارع هنا
أنا حعلمك أنا مين
(عشان مبقاش كداب - الظابط عنده حق ) البياع قليل الأدب
====
المهم ركبت العربية و روحت
الشارع الرئيسى اللى العربية حتعدى منه مسدود بشادر عزاء كبير
و أضطر السواق يلف لفه سوداء عشاء يوصل
أنا مش فاهم هو إكرام الميت سد الشارع بتاعه
و لا هو كل ما الشارع كان رئيسى و كبير كل ما كانت أهمية الميت
حاجة تفقع
نهايته … أنا داخل أنام .. اليوم باين من أوله

September 7, 2006 + نشرت فى Personal + تعليقات (7)


Gone ……

i’m leaving for a while …may be short may be for a long time
there will be no blogging activity in this blog in this period
who knows!! 

August 7, 2006 + نشرت فى Personal, Blogosphere + تعليقات (2)


و بعدين !!!؟؟

مش فاهم اعمل ايه
عندى اكتئاب فظيع و عمال يزيد
و المشكلة انى مش لاقيلوا سبب
او نقدر نقول انه مش سبب واحد
هى اسباب كتير و كلها اسباب هايفة
و انا مش من النوع اللى بيتأثر بسرعة
طول عمرى بقعد مع نفسى اشوف الغلط فين واعرفه
لما بيحصلى حاجة لا قدر الله ببقى عارف دى من ايه و انا قصرت فين
عشان كده مبزعلش و مبكتئبش
لانى عارف وجه التقصير و ممكن اصلحه
او على الاقل بقنع نفسى بده
دلوقتى انا مش عارف
السبب طبعا.. دماغكوا ما تروحش لبعيد
حليت كويس فى الامتحانات الحمد لله
عايش حياتى بالطول و العرض و مفيش اى مشكله
مش فاهم … ممكن تكون ازمة مقتبل العمر :)
يمكن عشان كلها سنه ولا اتنين و الواحد يتخرج و لسه محققش او حتى شاف اى حاجة 
من اللى كنت عايز اعملها فى مرحلة الجامعة
و المستقبل بعد التخرج .. اسود اكحل من عتم الليل فى ليلة مقطوع فيها النور
مش عارف
اللى اعرفه انى لو استمريت كده
كلها شهرين و الناس تزورنى فى مستشفى الامراض النفسية 

July 19, 2006 + نشرت فى Personal + تعليق واحد


My worst fear

Dying  alone
although i’m 20 but i feel that i will die alone someday 

July 16, 2006 + نشرت فى Personal + تعليق واحد


Missing | Imaginary

i wanna cry evey time i listen to this two songs
"Missing"

Please, please forgive me,
But I won’t be home again.
Maybe someday you’ll look up,
And, barely conscious, you’ll say to no one:
"Isn’t something missing?"

You won’t cry for my absence, I know -
You forgot me long ago.
Am I that unimportant…?
Am I so insignificant…?
Isn’t something missing?
Isn’t someone missing me?

[Chorus:]
Even though I’m the sacrifice,
You won’t try for me, not now.
Though I’d die to know you love me,
I’m all alone.
Isn’t someone missing me?

Please, please forgive me,
But I won’t be home again.
I know what you do to yourself,
I breathe deep and cry out,
"Isn’t something missing?
Isn’t someone missing me?"

[Chorus]

And if I bleed, I’ll bleed,
Knowing you don’t care.
And if I sleep just to dream of you
I’ll wake without you there,
Isn’t something missing?
Isn’t something…

[Chorus]
 
==============
"Imaginary"

I linger in the doorway
Of alarm clock screaming
Monsters calling my name
Let me stay
Where the wind will whisper to me
Where the raindrops
As they’re falling tell a story

[Chorus:]
In my field of paper flowers
And candy clouds of lullaby
I lie inside myself for hours
And watch my purple sky fly over me

Don’t say I’m out of touch
With this rampant chaos- your reality
I know well what lies beyond my sleeping refuge
The nightmare I built my own world to escape

[Chorus]

Swallowed up in the sound of my screaming
Cannot cease for the fear of silent nights
Oh how I long for the deep sleep dreaming
The goddess of imaginary light

[Chorus]

July 5, 2006 + نشرت فى Personal + لا تعليقات »


زهق ازلى

حاسس بملل غريب

حموت خلاص بقالى ساعتين عمال بظبط فى الوحدات البرمجية ( زى ما علاء بيقول عليها) بتاعة دروبال 

البتاع ده بحره واسع اوى

يعنى فعلا ممكن يتدار بيه كومينتى كبير جدا مش بلوج صغنون 

كل ما افتح حاجة الاقى امكانيات جديدة

ياللا انا نازل اتمشى على البحر شوية و احتمال ادخل السينما .. لوحدى عشان صحابى نيله محدش فاضى النهارده

زى ما اكون انا اللى مواراييش حاجة 

June 27, 2006 + نشرت فى Personal + تعليقات (2)


انا مقاطع المحمول عشان اسرائيلي |فكرة شريرة

انتوا فاكرينى بهزر
هممممم… هو انا نص بهزر و نص بتكلم جد
و انا كنت قاعد بلعب فيفا ورلد كب امبارح (اول مره العبها) مش عشان حاجة بس انا فعلا لسه جايبها
المهمو اللعبة وهى بتبدأ بتديك معلومات عن الدولة اللى انت بتلعب ضدها او اللى انت بتلعب بيها
يعنى نظام هل تعلم كده
انا فرحت لما لقيت مصر و اول ما اخترتها سبحان الله اول دوله جات قصادى اسرائيل
معرفش هما عاملين دراسة عن نفسية الدول ولا ايه بس مش مهم انا كنت عايز اجربها فبدأت الجيم
و افاجأ بالمعلومة الجامده دى
did you know: that the cell phone and voice mail technology were invinted in Israel
الكلام مش بالظبط يعنى بس هو ده اللى فاكره من امبارح
و جات فى دماغى الفكره دى
بما ان شعبا اللذيذ همام اوى و بيقاطع كل ما ييجى فيه سيره اسرائيل من بعيد
فما بالك بتكتولوجيا اسرائيلى
احنا ننشر الموضوع تقوم الناس تقاطع و شركات المحمول فى مصر تضطر تنزل اسعارها و تبقى رخص التراب
نقوم احنا شاريين اسهم الشركات و عدد موبايل كتيييييير
و بعدين لما الامور تهدى كالعادة و الدنيا ترجع عادى نبقى من اصحاب الزليونات 
هااا .. ايه رأيوكوا
على فكره المعلومات اللى مكتويه عن مصر كلها عن قدماء المصريين …. اظن الفكره وصلت 
=============
حاجة ملهاش علاقة بالموضوع
بعد مخلصت الماتش اتعرض السلام الوطنى المصرى
اييييه ده
جــــــــــاااامد
لا و الله انا سمعت السلام الوطنى قبل كده
بس الفكره طريقة عزفه فى اللعبة لا تمت للرزع بتاعت الفرق العسكرية بصلة
حاجة كده راقيه ..جميلة … انا كنت بعمل الماتش دقيتين و اخلص بسرعة عشان اسمع السلام فى الاخر
جاااااااااااااااامد 

June 26, 2006 + نشرت فى Egyptian Interior, Personal, politics + تعليقات (10)


كيف تنشىء مدونة على بلوج سوم

يا جماعة انا عملت مدونة لتعليم كيفية انشاء مدونة على بلوج سوم
انا جربتها على 
Firefox 1.5.0.4
Opera 9.0
IE 6.0
و اشتغلت على التلاتة من غير اى مشاكل خالص
البانر بتاعها محطوط فى المدونة هو و بتاع الموضوع التانى بتاع بنت مصرية
يا ريت تبصوا عليه و لو اى حد عنده ملاحظات يا ريت يبعتلى 

June 25, 2006 + نشرت فى Personal, Blogosphere + تعليقات (3)