إرتبــــاك

3 تعليقات »

1. رأى مسيحى . . . . . ممكن يهمك
   انا متفق معاك ان “الأقباط” و أنا لا احب هذه الكلمه و افضل “المسيحيين” لأسباب يطول شرحها
   متفق معاك ان ابسط حقوقهم انهم يقولوا انهم مضطهدين و ان اللى بيحصل فيهم مش شويه و لكن . . . .
   مختلف فى ان لهم او لنا الحق فى علم يحدد هويتنا كما تقول . .
   فأنا مصرى مسيحى و علمى هو العلم الأحمر و الابيض و الاسود الذى يتوسطه نسر اسفله كتب “جمهوريه مصر العربيه ”
   و لن ارضى عن هذا العلم بديلا الا لو اتفقت الامه كلها على علم اخر . . . اكرر الامه كلها
   و لكن لى تعليقان بسيطان . . . او ربما ثلاثه . . ياللا زى ما يجوا بقى
   اولا: freecopts.net لايمثل اقباط المهجر و لا مواقعهم و قد قمت برابط بين احد المواقع القبطيه الأكثر عقلانيه فى مدونتى وحتى هذا الموقع لا يمثل اقباط الموقع فهم ملايين و بالتاكيد مختلفين فى الرؤى و الافكار
   ثانيا : اسمح لى ان اقول ان حتى هذا الموقع المشار اليه لا يتحامل على الاسلام و المسلمين بالطريقه التى اوضحتها , ربما قصدت انت مقاله محدده هى التى اثارت استيائك و لم اصادفها انا فى الموقع
   ثالثا : وجب ايضا ان انوه الى ان بعضا وللأسف ممن يدعون علماء المسلمين و الذين يحظون بتقدير و احترام - و اسمح لى ان اكرر كلمه للأسف -جماهير عريضه من المسلمين يشتمون المسيحيه ليس على موقع محدود الاهميه بل فى الجرائد القوميه و بصوره رسميه كأن تفرد صفحه كامله للمدعو زغلول النجار فى جريده ” الاهرام ” يتحدث فيها عن تحريف الكتاب المقدس. . .
   اهناك سب و ازدراء اكثر من هذا؟
   و غيره كثيرون من امثال محمد عماره و كثير من شيوخ الفضائيات
   فى النهايه ان كان هناك على هذا الموقع ما يسىء للأسلام فهو يسىء للمسيحيه قبل الاسلام . . .
   و ان كان لا شىء و لا احد على الاطلاق يستطيع ان يسىء اى اى دين مقدس . . . لأن الاديان اسمى من ذلك بكثير

   ملحوظه : خارج سياق الموضوع لقد انشئت مدونتى بفضلك فشكرا جزيلا لك

   تعليق بواسطة Mina E.Azer — في 9:46 am

2. بالنسبة للعلم
   كونك مش عايز اى عالم تانى غير علم مصر دا شىء كويس
   لكن فى نفس الوقت منقدرش ننكر ان اى مجموعة لها إهتمامات مشتركة مش حتى دين واحد من حقهم يكون لهم شعار او علم يجمعهم و دا المفروض ميقللش من إنتماءهم لبلدهم هو مش اكتر من تعبير عن الوجود داخل مجتمع تانى اصغر من المجتمع الكبير
   يعنى اللى عايز منقدرش نقوله مش من حقك

   بالنسبة لكلمة أقباط فأنا على حد علمى مسيحيين مصر بيعتزوا باللقب دا جدا
   و الدليل انوا على كل مواقعهم

   بالنسبة للموقع

   المقال اللى نرفزنى
   فى الموقع كان ببساطة بيقول ان الإضطهاد اللى فيه المسيحين فى مصر سببه الإسلام نفسه
   رغم إنى كنت واضح إن الكلام عن مواقع أقباط المهجر عموما
   و الكلام موجه لمن يتفقوا معاهل فى الرأى مش كل الناس
   أنا مبكرهش حاجة فى حياتى قد التعميم فى الكلام

   الشيوخ اللى بيطلعوا يتكلموا
   فقدوا كل احساس بإنتقاد الذات
   عايزين يتكلموا و محدش ينطق عليهم
   نوع من أنواع الغرور ممكن

   اللى أنا بسأل عليه … ايه الحل اللى شايفاه المواقع دى
   يعنى هى معموله عشان هدف اكيد
   ايه هو بقى
   إعادة الحقوق للمسيحيين
   طيب و هى دى بزمتك طريقة ترجع لأى حد حقه
   ؟؟؟

   تعليق بواسطة MeMo — في 12:41 am

3. اولاً بالنسبه للعلم :ان كنت تقصد علماً كعلم فريق الكشافه الذى لم انضم اليه قط فربما كان هذا مقبولاً ,اما ان كان علماً “للشعب القبطى” فهذا غير مقبول لأن كل القصص التى بدأت بعلم لتحديد الهويه انتهت نهايات غير سعيده
   ثانياً : بالنسبه لموضوع ” مسيحيين ام اقباط” فقد قلت ان اسبابى يطول شرحها و ها انا اشرحها :
   ان إطلاق كلمه اقباط على مسيحى مصر بها اهدار لحقيين
   اولاً حق المسيحيين فى دينهم
   ثانيا حق المسلمين فى جنسيتهم طب ازاى؟ اقولك
   اظن انه اصبح من المعروف الأن ان كلمه قبطى هى مرادف لكلمه مصرى فى اللغه القديمه , اذن فعندما نقول ان المسيحيين هم فقط الأقباط فهذا يعنى ان المسلم ليس قبطياً و بالتالى ليس مصرياً بالتبعيه فهل ترضى انت بذلك؟؟
   - اما عن الحق الثانى و هو حق المسيحيين فى دينهم فهذا لم افطن اليه الا قريباً فقط كنت دائماً اتعجب من ان الشيوخ او ال”دعاه” كما يحبون ان يطلقوا على انفسهم يستخدمون حين يتحدثون عن المسيحيين كلمتى ” النصارى” او “الأقباط” و يتحاشوا دائماً ذكر كلمه المسيحيين
   الى ان عرفت السبب مؤخراً حينما كنت ركباً تاكسى فوجدت صوتاً اجش فى مذياع التاكسى يحذر المسلمين من مناداه النصارى بالمسيحيين! طب ليه؟ قالك لأنه حرام ان ننسبهم الى المسيح عيسى بن مريم عليه السلام وهو من سيتبرأ منهم يوم القيامه! يا سلاااااااااااااام
   بقى ده منطق بالذمه؟ بقى انت تيجى تقوللى انا عمرو , اقولك لأ انت احمد
   إحنا مسيحيين شاء فضيله الشيخ ام لم يشاء ومن الطبيعى ان ينادى الشخص بما ارتضاه له لقباً
   اما عن كون “ما يسمون اقباط المهجر يعتزون به” فهذا شأنهم فأنا ايضاً اعتز به و لكنى لن احرمك منه و ايضا اعتز و افخر كونى مسيحياً و لن ادع احد يسلب هذااللقب منى
   اما عن الغرض الذى انشىء من اجله هذا الموقع فاصحابه اعلم به منى و ان كنت قد وقعت فى الخطأ الذى تكرهه عندما قلت “إن الكلام عن مواقع أقباط المهجر عموما” فقد عممت حيث ان اقباط المهجر ملايين و من المستحيل ان يمثلهم موقع واحد
   اما المقال الذى قرأته فأن كانت هذه هى فحواه فلا الومك ابدا على استياءك و فى النهايه لا يبقى الا

   سلام

   تعليق بواسطة Mina E.Azer — في 8:16 am

تابع التعليقات على هذا الموضوع بواسطة آر إس إس

أضف تعليق

HTML allowed: <a href="" title=""> <abbr title=""> <acronym title=""> <b> <blockquote cite=""> <code> <em> <i> <strike> <strong>