و للتطرف وجهاً اخر
من هو المتطرف؟
ايوه مين هو المتطرف او المتشدد لو المتطرف وحشه؟
حسب المعجم الوجيز ,(طرف) : جاوز حد الاعتدال ولم يتوسط
اذا كل من جاوز حد الاعتدال وتمادى فى اتجاه معين هو متطرف
بصاحة انا مقريتش انه لازم يكون اسلامي
طيب كويس
نيجى للموضوع
التطرف الناحية التانية
انا لاحظت على مدى الايام اللى قضيتها فى عالم التدوين ان فى ناس كتير من المفروض انهم بيتكلموا بصفة المصقفين الواعين بحقوقهم وحقوق الناس
و مع ذلك اول ما ييجى رأى مخالف ليهم يتهموا صاحبوا بالتخلف و الرجعية و السذاجة
و لما اى شخص ينتقدهم يكون الجواب انهم احرار يفكروا زى ما هما عايزين و يقولوا اللى هما عايزينوا
و هو برضوا طلع متخلف و مش فاهم اسس الحرية
و حاجة تانيه و دى بقى اللى تفقع بجد
دلوقتى بقى عندنا نظام جامد جداً من نقد الذات و دى ظاهرة صحية جدا
اننا نشوف ايه الغلط فينا و نحاول نصلحه
بس الموضوع عند بعض الناس برضه مش كلهم تحول لنقد للذات "بس" و
يعنى العالم كله حلو و بيفهم و احنا الوحيدين اللى مبنفهمش و كل حاجة عندنا غلط
اما كان المثقفين بيطلعوا فى التلفزيون و يقولوا ناخد من الحضارة الغربية اللى يناسبنا و نسيب اللى يضرنا مكنتش فاهم
هو فين اساسا اللى خدناه من حضارتهم دى
دلوقتى فهمت هم يقصدوا ايه
يبقى لما العسكرى الاسرائيلى يقتل فلسطينى مدنى يبقى بيدافع عن نفسه ولما الفلسطينى يقتل عسكرى اسرائيلى يبقى ارهابى
لأ دا مش كلام بوش دا كلام مصريين
لما اتنين ظباط مصريين يتقتلوا على الحدود يبقى غلطتهم تلاقيهم متخلفين الشيوخ لاعبين فى دماغهم و رايحين يعملوا عمليه ارهابية فى اسرائيل
و لما عسكرى اسرائيلى يتخطف تبقى عمليه ارهابيه كبيره و اللى عملوها مجرمين خطفوا العسكوور المسكين
دلوقتى بقى عندنا متطرفين و متطرفين برضوا
متطرفين يمين و متطرفين الناحية التانية
دا مينفيش ان فيه معتدلين كتير
=========
على فكره علاء انت بنى ادم رائع يا ريت كل الناس تفكر زيك بس مش قوى يعنى
لما طلع من المعتقل قال الف تحية للاخوان
رغم انه مختلف معاهم كليا فى كل حاجة إلا ان ده ممنعوش من انه يشوف البنى ادم مش القشرة
سلام
July 2, 2006 + نشرت فى Egyptian Interior, politics +
أيوه عارفهم … كل شوية بيطلعولي … تناقض سخيف وماسخ. اللي يقولي متأسلم واللي يقولي انت بتنقل كلام الشيوخ ومن لف لفهم واللي يقولي انت عندك وسواس قهري. بس أحيانا التنفيض مش بيبقي صحي فطبعا الرد بيكون عبارة عن حقن في العضل. تحياتي
تعليق بواسطة مختــــــــــــــــ العزيزي ـــــــــار — في 10:00 am
ياسيدي ..التطرف ده موجود في كل حته …واظن ان المتطرفين في العالم ..اكتر من المعتدلين ..والتطرف بيزيد مع القمع …فاي زياده في التطرف علي مستوي العالم …..سببها قمع الحكومات..للشعوب …وزيادة التطرف اللي هوه مش إرهاب ..في مصر زادت بسبب مبارك….ومتقلبش تاني في المعجم لتتضايق..اكتر
تعليق بواسطة shoowbash — في 1:08 pm