الحرب الاهلية اللبنانية الثانية| رؤية مستقبلية

 انا مش خايف على لبنان من اسرائيل… لأ
انا خايف من الحرب التانية
اللى المرة دى حتكون القاضية
 هذا هو المستقبل كما اراه

الناس كلها دلوقتى وراء حزب الله عشان اسرائيل موجوده
لكن لما اسرائيل تمشى؟؟؟
 استهداف اسرائيل للمدنيين فى لبنان عشان الناس جوه لبنان يكرهوا حزب الله
و يحسوا انه سبب خراب بلدهم
يطالبوا بنزع سلاحوا
حزب الله يرفض
كل من لا ينتمى للشيعة سيقف ضد حزب الله 
المسيحيين,الدروز,و السنه ضد حزب الله و الشيعة
تقوم اشتباكات صغيرة
تأتى امدادات الاسلحة لأعداء حزب الله من امريكا و فرنسا
تقوم الحرب
تكتل دولى ضد حزب الله
هزيمة حزب الله عسكريا بمساعده اجنبية
و ابادة الشيعة على الارض بواسطة التحالف المعادى
تستقر الامور و يطلع اتنين تلاته مجرمين حرب و الحق على المقتول
و احتمال المسيحيين يقلبوا على السنه او السنه و الدروز
و ساعتها حتكون اباده تامه
وتستقر لبنان اخيرا بمباركه دوليه و اسرائيليه
 

July 31, 2006 + نشرت فى World Events, politics + تعليقات (4)


مظاهرة قانا

 
تدعوكم
القوى الوطنية المصرية
الى
 
تظاهرة حاشدة
 
اليوم
الاحد 30 يوليو
 
الساعة
السابعة مساءا
 
فى ميدان طلعت حرب
 
يرجى التحرك سريعا و نشر الدعوة على اوسع نطاق
 
…………………………………………………….
 
قانا مرة أخري . .
 بعد مرور عشر سنوات علي مجزرة قانا التي ارتكبها كلاب الصهيونية عام 1996 في العملية المسماة بعناقيد الغضب . .ارتكبت اسرائيل بالأمس مجزرة وحشية تضاف الي سجل المجازر الوحشية التي ارتكبتها . .أكثر من 60 قتيل معظهم من النساء والأطفال وقد استهدفت القنابل مبنى من ثلاث طبقات كان اللاجئون يحتمون داخل الطابق السفلي فيه.مما تسبب في انهيار المبني علي من فيه.
وكانت قرية "قانا" قد تعرّضت عام 1996 لقصف إسرائيلي في إطار عملية "عناقيد الغضب" والتي أدت إلى مقتل أكثر من مئة مدني كانوا يلتجؤون في مركز لقوات حفظ السلام التابعة للأمم المتحدة.
التقارير الاخبارية التي تتناقلها القنوات التليفزيونية والمواقع الاخبارية علي النت ، نتنقل لنا مشاهد تدمي القلوب ، ولازال رد الشعوب العربية هو الفرجة ، وكأن الدماء التي تراق هيا لمواطنين من كوكب آخر ! !
يجب أن نتحرك سريعاً ، لم يبقي شيئاً

July 30, 2006 + نشرت فى Egyptian Interior + لا تعليقات »


Stem cells Vs. Arabs

 
 

July 24, 2006 + نشرت فى politics + تعليقات (2)


و بعدين !!!؟؟

مش فاهم اعمل ايه
عندى اكتئاب فظيع و عمال يزيد
و المشكلة انى مش لاقيلوا سبب
او نقدر نقول انه مش سبب واحد
هى اسباب كتير و كلها اسباب هايفة
و انا مش من النوع اللى بيتأثر بسرعة
طول عمرى بقعد مع نفسى اشوف الغلط فين واعرفه
لما بيحصلى حاجة لا قدر الله ببقى عارف دى من ايه و انا قصرت فين
عشان كده مبزعلش و مبكتئبش
لانى عارف وجه التقصير و ممكن اصلحه
او على الاقل بقنع نفسى بده
دلوقتى انا مش عارف
السبب طبعا.. دماغكوا ما تروحش لبعيد
حليت كويس فى الامتحانات الحمد لله
عايش حياتى بالطول و العرض و مفيش اى مشكله
مش فاهم … ممكن تكون ازمة مقتبل العمر :)
يمكن عشان كلها سنه ولا اتنين و الواحد يتخرج و لسه محققش او حتى شاف اى حاجة 
من اللى كنت عايز اعملها فى مرحلة الجامعة
و المستقبل بعد التخرج .. اسود اكحل من عتم الليل فى ليلة مقطوع فيها النور
مش عارف
اللى اعرفه انى لو استمريت كده
كلها شهرين و الناس تزورنى فى مستشفى الامراض النفسية 

July 19, 2006 + نشرت فى Personal + تعليق واحد


الافراج عن الشرقاوى و كريم الشاعر


+ نشرت فى Egyptian Interior, politics + لا تعليقات »


My worst fear

Dying  alone
although i’m 20 but i feel that i will die alone someday 

July 16, 2006 + نشرت فى Personal + تعليق واحد


why Zizo>>why!!??

 
 
why buddy … i just wanna know?
France lost
if it’s somebody’s fault it’s the idiot manager’s fault
why did he take Henery out
he was the best player in the game
and Zizi .. buddy i know you don’t do this kinda shit unless for a very powerfull reason
i hope i’ll know it some day
i supported france like i support my own country  
god i’m gonna cry 
 

July 9, 2006 + نشرت فى Egyptian Interior + تعليقات (3)


انا بكره اسكندرية فى الصيف

اييه مش متخيلين ان حد ممكن يكره اسكندرية و بالذات فى الصيف
لأ ممكن
ببساطة
اللى عاش فيها فى الشتاء
اسكندرية فى الصيف بتتملى بناس نازلين فيها كأنها عزبة ابوهم
رغم انهم بيتغشوا و يضربوا على قفاهم فى كل حاجة بيشتروها تقريبا
الا انهم بيبقى حاسين انهم ملوك
ان مش ضد انهم يتبسطوا
بس احترم المكان اللى انت فيه
اول امبارح واحد راكب عربية بى ام523  ملاكي جيزه
العربية فظيعة
ابن الـ.. و قف فى الاشارة اللى قدام سينما امير
فى وسط الشارع
راح مادد ايده من الشباك و رامى شلال قشر لب فظيع
كمية مهولة
شوهة شكل الشارع اللى مفيهوش ورقة
مع العلم ان جنب الحيوان ده فى تلات صناديق زبالة قدام جاد
دا من غير منجيب سيرة ميامى و خالد بن الوليد و بلاويهم
حاجة زبالة 

July 7, 2006 + نشرت فى Egyptian Interior + تعليقات (4)


سلبية ازليه | نكتة

مرة الريس ( مش مبارك) قاعد بيفكر
هى الناس بتكرهنى ليه
طيب اعمب ايه عشان اخليهوم يحبونى
قعد يفكر يفكر موصلش لحل
قام اتصل برئيس الوزاراء يجيلوا بسرعة
و قاللوا على الموضوع
رئيس الوزراء الفتك قاللوا ايه
قاللوا يا ريس اعمل حاجة جامده تظلم و تقرف الناس يقوموا الناس يشتكوا
تقوم انت فور علمك والله تتدخل و تنقذ الطالبة اللى سقـ ايييـ…. الناس من الظلم ده
يقوموا يحبوك
قام الريس عجبتوا الفكرة و قال تمام
عايزك تنقيلى اكتر كوبرى زحمة فى مصر و تعملى رسوم
اللى عايز يعدى ياخد قفه و يدفع عشره جنيه
و فعلا و قف رئيس الوزراء عسكرى على الكوبرى بقى كل اللى يعدى يدفع عشره جنيه و ياخد على قفاه
و مرت الايام و محدش اشتكى
قام الريس  جاب رئيس الوزراء تانى و قاللوا
انت معملتش اللى اتفقنى عليه و لا ايه
محدش اشتكى و لا سمعت صوت حد
قام رئيس الوزراء قاللو طيب يا ريس نعمل مؤتمر جماهيرى نعرض فيه شكاوى الناس و اكيد حيتكلموا
و قد كان
اتعمل المؤتمر
الريس: ها يا شعبى لحبيب عايزين منى ايه
مفيش حد بيتكلم
الريس : مش عايزين اى حاجة خالص .. مفيش حاجة مضيقاكوا فى البلد
بعد سكووت طوووويييل واحد قاعد فى الاخر خاالص
قاللوا يا ريس
الريس : ها يابنى قول.. هقربوه هنا
الراجل: الكوبرى ياريس
الريس : مالوا .. فى اى حاجة مضيقاك
الراجل: يا ريت يعنى يا ريس تزودلنا عساكريين على الكوبرى عشان السيولة المرورية 

+ نشرت فى Egyptian Interior, politics + لا تعليقات »


Go France Go

I love This Country
 
 
 

+ نشرت فى Sport + لا تعليقات »