البحر و الحزن
ناس كتير بيحب البحر
كل الناس تقريبا بتحب البحر
لكن لو سألتهم واحد واحد ليه بيحبوه
اراهنك انك مش حتلاقى اجابتين زى بعض
منظر البحر بيحرك فى الناس عواطف مختلفة
ناس بتحس بالامل
ناس بتحس بالانتعاش
ناس بتحس بالقوة
و ناس مبتحسش بحاجة اساسا بس بتحب المنظر
وناس و منهم انا بتحس بالحزن
الحزن العميق
من غير سبب و لا مبرر
انا مبستمتعش بالمشى على البحر غير لما اكون لوحدى
نزلت النهاردة على البحر قبل المغرب بشوية
قعدت على الكورنيش حوالى ساعة إلا ربع مبحلق فى الموج و مش دارى بالدنيا
توهتني ريحة اليود فى بحر اسكندرية اللى متلاقيهاش فى اى مدينة ساحلية تانيه فى مصر
اما فوقت لنفسى كانت الدنيا ضلمت
حسيت بكل الاحاسيس السوداء اللى عندى
حسيت انى لوحدى .. عايش فى وسط الناس بس لوحدى
حسيت بالخوف..من كل حاجة
من الكلية. من نفسى.. من بكرة
النظر للبحر بيطلع اللى جوايا
بيطلع كل احساس مدفون بمشاغل الحياه
بس برضه بعشقه
May 19, 2006 + نشرت فى Egyptian Interior +
انا اكره الحياة
تعليق بواسطة صفاء — في 2:04 am
موتى و ريحى نفسك لو تعبانه لوى كده
تعليق بواسطة MeMo — في 2:53 am