المظاهرة : ملاحظات و مشاهد
اول مرة فى حياتى أمشى فى مظاهرة
بصراحة كنت مرعوووب و فكرت كذه مره انى مروحش لكن زيارة واحدة لمقهى الانترنت وطله اصغر على تدوينة جار القمر خلتنى مصمم اروح
أنا مش حوصف المظاهرة لان فى ناس كتيرة اوى حتوصفها و انا مش بارع اوى فى الوصف بينى و بينكوا
فحقول شوية حاجات بس
تفاعل الناس كان جبار يتراوح بين الفرحة و عدم التصديق و الشك فيما يقال و من يقوله
فى بنت مسيحية صغيرة .. يعنة ثانوى كده.. لما قلنا الاعتذار للأقباط رفعت حواجبها فى دهشة و قالت لزميلتها (المحجبة) اللى واقفه جنبها : يا سلاااااام بعدم تصديق و زهول تام
وفى ناس طلعت تزغرت و ناس مسكت اعلام مصر فى البلكونات وناس عماله تبص من بعيد و تتكلم فى سرها معانا بس قلقانين يدخلوا
عارفين ليه
عشان ام الشعارات الكتير بتاعت ستين مليون حزب و حركة
هدف المظاهرة كان واضح لازمتوا ايه بقى حزب فلانى و حركة علانى
معظم اللى واقفين كان راهبهم الموقف ونفسهم يدخلوا بس كمية الشعارات و اسامى الاحزاب كانت مخوفاهم
لكلام ده من الناس للناس
المفروض يعنى!!!!ا
اللى ضايقنى ان الهتافات شطحت فى الاخر بعيد عن الموضوع الرئيسى
دا حتى فى مرحلة من المراحل الناس كانت بتقول مصر على الطبلة زى ما كانوا بيشجعوا فى كأس الامم
و على وتيرة مصر و نيجيريا بيلعبوا بتشجع مين
دوم دوم دوم دوم ماليزيا 
المظاهرة كانت من امتع و احسن الايام و الاحداث فى حياتى
عارف لما تقف فى وسط ميدان و تصرخ بأعلى صوتك و تقول كلمة حق
واللى واقف جنبك بيقول معاك
انت مش فى دماغك دا مسلم او مسيحى مش فارقه دا اخوك واقف بيهتف معاك كتفه فى كتفك
ميفرقش عنك فى حاجه خالص
بيحبك .. اه و الله بيحبك
وانت بتحبه … تصدق
ليه..؟ سؤال غريب
عشان مصرى طبعا
عشان مصرى و بس
لا يهمنى لونك لايهمنى دينك لا يهمنى عنوانك
يهمنى الانسان
مصر بتاعتنا كلنا
مسلمين و مسيحيين
و مسيحيين و مسلمين
الصليب مع الهلال
و الهلال مع الصليب
لما الهتاف بيعلى كنت بتشوف فى وشوش الناس (مسلم و مسيحى) حاجة غريبة
أمل على فرحة على استغراب
زى ما يكونوا نفسهم يقولوا الكلام ده من زمان و مش قادرين
او مش عارفين
الموضوع اقل ما يوصف بيه انه جميل
بكل ما فى الكلمة من رقة و رقى و روعه
لو كنت فوت اليوم ده كنت ضربت نفسى مليون بتاعة
كنت حموت على كاميرا و حرمت امشى من غيرها بعد كده
زعلت اوى عشان اضطريت امشى بدرى (7:30كده)عشان الحق اخر قطار
و مستنى التدوينات تنزل عشان اعرف ايه اللى حصل
انا برضة مش مقتنع ان اللى حصل ده كفاية ولازم المظاهرة دى تتعمل فى الاسكندرية
لازمان وحاتمان و ضارورى
الصور الوحيدة اللى نزلت لغاية دلوقتى عند بيج فاروه
ملحوظة:
احساس جبار و احنا واقفين فى وسط الميدان و بنشاور على صورة مبارك وبنقول الحرامى اهوه
جباااااااااااااااااااار
April 21, 2006 + نشرت فى Egyptian Interior, religion, politics +
لأ أنت مفهمتش نكتة ماليزيا، دي كانت عن الباشا مهدي عاكف اللي قالك ممكن اللي يحكم مصر يكون ماليزي المهم يكون مسلم
عموما أنا نفسي في حاكم تايواني كده بس من النوع اللي ببطارية
تعليق بواسطة Alaa — في 4:55 am
I just read your comment on my blog. Indeed it was a great day.
First time to visit your blog, please keep it up. Your style in writing is impressive.
تعليق بواسطة The Big Pharaoh — في 8:39 am
علاء::) اصلى مسمعتش الكلام ده
سمعت طظ فى مصر بس
اما على الحاكم فا انا نفسى فى واحد صينى بلاستيك يبوظ بعد كام شهر و نبدله
احسن ما يطلع جامد و يخلل فى الحكم زى اللى قابله
Bigpharaoh: you are most welcomed om my blog hope you do it again
“Your style in writing is impressive.” lol at least somebody liked it
I know i don’t
تعليق بواسطة MeMo — في 1:20 pm
just idea…just my mind
that good for you to do something can change some other things around you…but you should believe first.. then maybe it will be revolution..remember sa3d zagloul..ahmed 3oraby..do you believe in them? do you believe there are people like them nowadays?.think for amoment
تعليق بواسطة mohamed — في 2:53 pm
No i don’t believe or don’t want to believe that in order to change we need a great man to lead us and be the extreme leader
it’s all about the people
i want the people to rise, to understand and to respect the other
i believe that we can change with saad zaghloul or without him
تعليق بواسطة MeMo — في 3:01 pm
ميمو وصفك جميل بجد ..
انا كمان كنت بشارك لاول مرة .. وانتابتني مشاعر مختلطة كتيييييير .. مقدرتش انام قبل ما ادونها على المدونة …
-اول التجارب دايما بيبقى ليها بريق ودهشة عجيبة ..
انا بتفق معاك ان الناس اتلخبطت من الشعارات الكتير اللي اتناديت واللي كانت مطبوعة في ورق .. صورة ايمن نور مكانش ليها اي لزمة في الموضوع كله ..
كان فيه شوية حاجات تانية زعلتني ودونتها هي كمان ..
بس سيبك انت الاحساس غير عادي .. فعلا انك تقف في وسط ميدان تقول كلمة حق دي حاجة مش عادية ابدا .. وصحيح انا كمان لمحت في وشوش الناس البريق الامل والفرحة ده بجد …
تجربة فريدة ولو كنت انا كمان فوتها .. كنت اتضايقت جدا ..
بس ليه يا عم مسلمتش علينا قبل ما تمشي .. ؟؟
عامة اللي حصل بعد ما مشيت هتلاقيه على المدونة اللي كتبتها ..
تعليق بواسطة bluestone — في 5:34 pm
اااه مشيت ليه ؟
مالك منه لله قاللى امشى يدوب تلحق كده
وروحت ماشى فى ساعتها لأن مكنش ينفع افووت القطار
لقيت نفسى وصلت قبل معاد القطار بساعة الا ربع و طلع كمان متأخر ربع ساعة
يعنى فضلت قاعد فى المحطة ساعة باكل فى نفسى
اشوف فيك يوم فحلقى يا مالك , انا و انت و بلوستون عارفين انه حييجى حييجى
بس نفسى اشوفه بعينى
تعليق بواسطة MeMo — في 7:58 pm
معتقدش انها حتكون الأخيرة و أعتقد ان قريب حتيجي بفايدة
ملحوظة : مش عارفة المشكلة في ايه بالظبط لكن الخط في مدونتك بيطلع صغير قوي لدرجة اني بضطر أعمل كبي لكل حاجة عشان أعرف أقراها
تعليق بواسطة change destiny — في 5:43 am
أنا عارف ان فى مشاكل فى المدونة بسبب الفروق بين المتصفحات
انا جربتها تانى دلوقتى على اوبرا وفايرفوكس و انترنت اكسبلورر 7
فى مشاكل اه بس الخط كان مظبوط فى التلاته
على العموم معلش استحملونى كلها شهر و حنقل المدونه كلها دروبال بإذن الله
تعليق بواسطة MeMo — في 3:16 pm
when was that?
ana en3azalt 3an el donya
تعليق بواسطة N0N0$H — في 12:47 am
Nanoosh 3endana .. ya mar7aba ya mar7aba
eah dah?
sa7 el noom
ma32oola mate3rafeesh
da e7na kona malyeen el donia e3lanat 2abl el mozahra
تعليق بواسطة MeMo — في 2:11 am
wade7 enny makottesh merakkeza
تعليق بواسطة N0N0$H — في 9:19 am
First i wanna say “bravo” 4 all aware about their problems,triying 2 challenge,2 say the fair ‘no’
Even i’m not egyptian but i feel what u did,it touchs me & i’m proud 2 know one like u
GOo on in the way u believe,show the real face of islam;that’s ur fight.The beginning is always so hard but it’s only the first step.BRAVO BRAVOOOOOOOOOOO
تعليق بواسطة rahma — في 2:23 pm
Hey Rahma glade you made oyur way to my blog
the way is hard but we are trying our best
hope you can do the same in Tunisia
i heared it’s not much better than here
تعليق بواسطة MeMo — في 3:05 pm