الموضوع ده مش لازم يعدى كده
انا لما قريت التقرير التانى بتاع جار القمر مبكيتش المره دى لأ
قعدت اسب و ألعن 10 ساعات و بقيت ماشى فى الشارع اكلم نفسى
العالم ولاد الكلب و لعوا فيها
الكلام ده مش لازم يعدى
يا عتاولة حقوق الانسان و التدوين فى مصر حتعملوا ايه؟؟؟
البيانات و الشعارات فى المدونات مش كفاية المره دى
لازم يكون فى حركة على الارض
حاجة تطلع تقول وقفوا الجنون
و تفهم الناس الحقيقة و الصح
انا معرفش اى حاجة فى العمل الميدانى بس لازم نعمل حاجة
تتطبع بروشيرات و تتوزع على الناس و ننزل نكلم الناس ى الشارع
نعدى على كل بيت زى مبيعملوا مرشحين الكونجرس الامريكان فى الانتخابات
نعمل مظاهرات سلمية و مؤتمرات شعبية مش عشان البروباجاندة لأ
عشان نفهم و نوعى الناس من الجهل العميق اللى غرقانين فيه حتى النخاع
الموضوع ده لازم يترد عليه بسرعة من المسلمين بالذات
احنا مديونين للإخوة الاقباط بده
دا دين علينا ليهم ان احنا نوعى الناس
مش غلطتهم و مش المفروض يدفعوا دمهم نتيجة جهل الناس
لأ
لأ
لأ
هى كلمة واحده
لأ
الموضوع ده مش حيعدى زى اللى قابله
April 17, 2006 + نشرت فى Egyptian Interior, religion, Islam, politics +
إيدي على كتفك ، يلا بينا … بس لازم حاجة منظمة و فعالة ، و أهم شيء هو التركيز على مسألة تواطؤ الحكومة و ضباط الشرطة ، يمكن يتكسفوا على دمهم بقى!
أعتقد أن التحرك يوم الخميس في شبرا هو تفكير مش بطال ، حنشوف
تعليق بواسطة ahmad — في 2:30 am
مستعدة أكتر ما تتصور . لازم نغير بلدنا لازم نغير قدرنا
تعليق بواسطة change destiny — في 4:31 am
اهو بكره نشوف فى المظاهرة
تعليق بواسطة MeMo — في 11:00 pm