أغانى المدونات : قمة الملل
إلى جميع المدونين اللى حاطين أغانى توماتيكى على مدوناتهم
الموضوع ده ممل و متعب و مقرف جدا
اولا : ممكن اللى بيدخل مدونتك يكون بيسمع حاجة و فى الحالة دى الصوت بيتداخل و بتبوظ الدنيا
ثانيا : اى حد عنده برنامج تحميل البرناامج حيفتح عشان ينزل الاغنية مش عشان ييشغلها
ثالثا: يا سيدى/سيدتى مين قاللك ان الناس حتحب الاغنية
لو الهدف انك تعرف الناس انك بتحب الاغنية دى حط حاجة زى
i’m listening to
و حط رابط للاغنية و كلماتها كمان بس و النبى بلاش تشغلهالنا عافية
March 24, 2006 + نشرت فى Personal +
أتفق معك تماما
فعلا حاجة مملة و فزلكة بدون ضرورة, يعني مش لازم تفرض حتى ذوقك عليا مع سبق الاصرار و الترصد
تعليق بواسطة أبو الليل — في 10:44 pm
بجد يابو الليل متفق معاك ومع ميمو
بس فيه حاجة, انا ماقدرش اصادر على حق حد فى انه يحط اللى هو عايزه
بالتأكيد فى ناس قالت شيلوا ده وهما مصرين يخلوها هما حرين
كبر دماغك
تعليق بواسطة عبدالله النديم — في 1:10 am
أنا معاك رغم أني مظبط نفسي بحيث مفيش حاجة تشتغل من نفسها بس برضه موضوع يخنق
أولا ناس كتير بفتح صفحات عديدة و بعدين تقرأ فيهم واحدة واحدة لو كل صفحة من دول شغلت أغنية شكل الدنيا هتشوشر و كمان الجهاز هيتخربق
و كمان يمكن أنا في الشغل و أفاجأ بمزيكا شغالة و فضيحة
و كمان كل أغنية من دول بتكون مظبوطة على ارتفاع صوت مختلف يعني ممكن تلاقي صوت عالي جدا طالع فجأة
ارمي رابط مش صعبة يعني
تعليق بواسطة Alaa — في 1:13 am
I am not with you… it is finally his blog, it is like his house and you are his guest, it is his space where he show people part of his identity..
if you don’t like it, stop visiting him..
on the other side, the one who put it should consider the fact that it won’t please all persons and he may loose some friends, it is his decision finally
تعليق بواسطة freesoul — في 1:49 am
أحنا مش بنجبرهم انهم يشيلوا الاغانى
احنا ببساطة بنديهم رأينا كزوار لمدوناتهم و ان الموضوع ده بيضايق الزوار جدا و بيقلل من نسب ان اللى يزور المدونة مرة حيرجعلها تانى
طبيعى يعنى ان ده قراره مش مدونته دى برضه و لا بتاعة الجيران
تعليق بواسطة MeMo — في 12:42 pm
they shoul already know as I said, by the way, the sites that explain how to embed sound in the html states clearly that this may be undesirable for a percentage of the visitors
but you are very right in that it causes troubles, all the time DAP jumps to download the songs and i shut it down
تعليق بواسطة freesoul — في 2:10 pm
exactly DAP IDM IDA all of them .. it really drives me mad
evry time i enter a blog and it just jumbs out asking for download
The final result that i’m pissed and still didn’t hear the song
تعليق بواسطة MeMo — في 2:58 pm
loooooooooool
wana ma2darsh afta7 3′eir amma ala2y el song beta3ty sha3′ala
تعليق بواسطة Daisy — في 4:45 pm
yeb2 enty mesha3′ala el a3′neya lenafsek mesh lel zowar
we teb2y mesh men el nas elly e7na benetkalem 3alehom
تعليق بواسطة MeMo — في 4:21 pm
رأيي البسيط انك تضع الشريط مطفأة مع تمكين المستخدم من سماعها اذا اراد
يعنى الاصل الشريط غير محمل
و الافضل لا يكون اغانى بل قران شريط اسلامي
تعليق بواسطة عمرو سليم — في 2:31 pm