National Pride
إحسساس غريب اللى حسيت بيه بعد الماتش النهائى
طبعا السبب مكنش الفوز
السبب كان كمية الناس الفرحانة فى الشارع
كمية الشباب اللى ماسك أعلام مصر وسارح فى كل حته يغنى و يهتف لمصر
كنت عايز اعيط
بجد و الله كنت عايز اعيط
معرفش من الفرح و لا من الحزن
نفسى مرة ابقى فخور انى مصرى و ماشى بأعلام بلدى فى كل حته
بس مش عشان الكورة.
عشان أى حاجة مش مهم
بس أى حاجة ليها معنى
الناس كانوا ماشين فى الشارع بيقولوا احنا مصريين
يا ترى هى فى أى حاجة تانية ممكن ابقى فرحان و فخور بيها اوى كده فى مصر
غير الكورة
الناس عايزة تفرح
أنا عايز أفرح
نفسى أمشى فى شوارع الدنيا كلها شايل علم مصر و أقول انا مصري
بس للأسف مفيش فى بلدنا غير الكورة
اللى بتفرحنا كل 6 سنيين
ياللا
February 12, 2006 + نشرت فى Personal +
with love, congratulation egypt
تعليق بواسطة gmr14 — في 2:08 am
انت اللى ح تخلينا اعيط معاك
جبت من الآخر بجد
تعليق بواسطة lasto adri — في 2:47 am
يااااااااااااااااااااااااااااااااااااااااااااااااااااااااااااااه
يمكن يكون الجي أحسن
ربما
تعليق بواسطة وش مكرمش — في 1:36 pm
Gmgr14:
Thnx Brother for supporting and celebrating with us
لست أدرى:
أنا شايف ان احنا نعمل فرقة و نعيط سوا
بزمتكوا منفسكوش مرة…مرة واحدة تقولوا احنا مصريين فى وسط العالم كده و متبقوش
مكسوفين وانتوا بتتكلموا
دا احنا (المصرييين) لما بنروح شرم ولا الاقصر و اسوان او اى منطقة سياحية بنتعامل-فى بلدنا- على اننا مواطنين درجة تانية.
وش مكرمش:
منيييييييين يا سيدى
بيقولوا من المقدمات تستنتج النتائج
و انا بصراحة مقدرش اكنب موسوعات فى مقدمات البلاوى فى مصر
شكرا لكل اللى علق فى المدونة
ربنا يخليكوا و تفضلوا رافعيين روحى المعنوية على طووول
تعليق بواسطة MeMo — في 2:43 pm